Конституциялық сот жұмыс істей бастады

Қазақстанда Конституциялық сот жұмысы іске қосылды.

2023 жылғы 1 қаңтардан бастап 2022 жылғы 5 қарашада қол қойылған «Қазақстан Республикасының Конституциялық Соты туралы» Конституциялық заңның көптеген баптары күшіне енеді. Конституциялық Сот бұрынғы Конституциялық Кеңесті ауыстырады.

Конституциялық Сот сайлау мен референдум дұрыс өтті ме, қабылданған заңдар Қазақстан Республикасының Конституциясына сәйкес келе ме, соны шешеді.

Сондай-ақ, егер заңдық құжатты сот қолданған немесе азаматтың құқықтары мен бостандықтарын тікелей қозғайтын және заңды күшіне енген іс бойынша сот актісі шығарылған болса, азаматтар Конституциялық Сотқа жүгіне алады.