Конституциядан орыс тілін алып тастайтын кез жетті – Қазыбек Иса
Мәжіліс депутаты Қазыбек Иса Конституциядан орыс тілін алып тастауды ұсынды.
Бұл туралы депутат Қазақстан Республикасы Жоғарғы соты мен М.Нәрікбаев атындағы ҚазақГЗУ өткізген «Құқық жүйесіндегі қазақ тілінің мәселелері және оларды шешу жолдары» атты республикалық ғылыми-тәжірибелік конференцияда айтты.
– Конституциялық кеңестің 2007 жылғы 23 ақпандағы №3 қосымша қаулысы бойынша Конституциядағы Мемлекеттiк ұйымдарда және жергiлiктi өзiн-өзi басқару органдарында орыс тiлi ресми түрде қазақ тiлiмен тең қолданылады деген норма ресми тіл статусы емес және ол орыс тiлiне екiншi мемлекеттiк тiл мәртебесi берiлетiнiн бiлдiрмейдi.
Сондықтан, Ата Заңдағы 7-баптың 2-тармағы жұртты әлі шатастырып, орыс тілі заңсыз мемлекеттік тіл рөлін атқарып келе жатқандықтан, бүгінде ұлтаралық жанжалдардың туындауына себеп болып отыр. Сондықтан Конституцияның 7-бабының 2-тармағын алып тастайтын кез жетті.
Өйткені, кез келген дүкенге, мекемеге кірген Ресей тілін білмейтін және шет тілін білмеуге толық хақысы бар азамат ел заңнамасына сай Мемлекеттік тілде қызмет етуді талап еткенде, одан 30 жыл бойы мемлекет те, басшысы да талап етпеген мемлекеттік тілді білмейтін сатушы не қызметкер «Бізде мемлекеттік тіл – екеу, Конституцияның 7-бабы, 2-тармағы солай» деп, заңсыз қарсыласады да, дау-жанжалдың барлығы осыдан шығады.
Осы мемлекеттік тілдің мәртебесі туралы Конституциялық кеңестің қаулысы айқындап берген анықтама-тұжырымды осы уақытқа дейін біз әлі парламенттегі көптеген депутаттарға, тіпті, мамандығы заңгер депутаттарға түсіндіре алмай келеміз…
«Біздің елде Мемлекеттік тіл екеу», «Орыс тілі - ресми тіл, мемлекеттік тілдің орнына жүре береді» деген заңға қайшы сөзді сауда орындарындағы сауатсыз сатушы айтса, мейлі, сақалы ағарған саясаткер, биліктегі жоғары лауазымды шенеуніктер айтып жатқанда, таңғаласың!
Біздің Қазақстанда мемлекеттік тілге қарсы осындай заңсыз саясат отыз жылдан астам уақыттан бері үстемдік етіп келеді.
ҚР «Тіл туралы» Заңының 4-бабында «Мемлекеттік тіл – мемлекеттің бүкіл аумағында, қоғамдық қатынастардың барлық саласында қолданылатын мемлекеттік басқару, заң шығару, сот ісін және іс қағаздарын жүргізу тілі» деп айқын жазылған.
Ал ҚПК-нің 30-бабы, ӘҚБтК-нің 738- бабы бойынша да Қазақстанда қылмыстық, әкімшілік құқық бұзушылық туралы істер бойынша іс қазақ тілінде жүргізіледі, сот ісін жүргізу де мемлекеттік тілде жүргізілуі керек.
Биліктің мемлекеттік тілді білетін мемлекеттік қызметкерлер жоқ деп, мемлекеттік тілді міндеттемей отыруы – Тәуелсіздіктің 30 жылында мемлекеттің мемлекеттік тілді дамытуда түк істемегенін мойындауы болып саналады, – деді депутат.
Жаңалықтар
- Ақ үй алты айда Джо Байденнің қәтеліктерін 148 рет ашық түрде түзетті
- Джо Байден БАҚ бостандығына қол сұғушыларға қарсы санкциялар салуды көздеп отыр
- Медициналық рейс орындаған ұшақ шұғыл суға қонуда мәжбүр болды
- Ердоған: Түркия Израильмен барлық сауданы тоқтатты
- Адам өлімі үшін экс-прокурордың жазасы 1,5 жылдан 8 жылға дейін ұлғайтылды
- Жедел жәрдем рейсін орындаған ұшақ биіктіктен айырылып, еріген суға қонды
- Көз тірі тұлғаларға ескерткіш үшін аянбай тер төгуге мәжбүр болады
- Алматыда БАКАД бойынша көлік қозғалысы шектеледі
- Салтанат Нүкенованың туған күніне арналған концерт өтпейтін болды
- Орал әкімдігі мемлекеттен бір реттік төлем алмаған су басқан саяжай тұрғындарына жауап берді
- Қазақстан тарихында тұңғыш рет MotoGP Гран-приі су тасқынына байланысты кейінге қалдырылды
- Бразилияда су тасқынынан 30-дан астам адам қаза тапты
- Қазақстанда жеке куәлік дизайны өзгереді
- Ақтауда шаяндардың жаппай қырылуы байқалды
- Берлинде кәсіпорын өртке оранды және улы түтін тарады
- Қазақстан баспасөз бостандығы рейтингінде Африка елдерінен төмен
- Тоқ соққан бала қайтыс болды: көбік кешін ұйымдастырушы сотталды
- Журналист Данияр Әділбековке жалған айып қайта тағылды
- Өз әкесінен жүкті болған оқушы қыз кризистік орталыққа орналастырылды
- Алматыда жүгіруге шыққан зейнеткерді өлтірді