Конституцияның 30-дан астам бабына өзгерістер енгізу қажет – Президент

Мемлекет басшысы Қасым-Жомарт Тоқаев ҚР парламенті палаталарының бірлескен отырысында Қазақстан халқына Жолдау жасады.

«Жарияланған бастамалар елдің саяси жүйесі мен әкімшілік-аумақтық құрылымын айтарлықтай өзгертеді. Оны жүзеге асыру үшін Конституцияның 30-дан астам бабына өзгерістер енгізу қажет. Жыл соңына дейін тағы 20-дан астам заң қабылдау қажет» деді Қасым-Жомарт Тоқаев.

Еске салсақ, бүгін парламент палаталарының бірлескен отырысында мемлекет басшысы Қасым-Жомарт Тоқаев Қазақстан халқына Жолдауын жариялады. Бұл жолғы жолдау саяси реформалардың жаңа бағдарламасын және таяу болашақта жүзеге асырылатын бірқатар әлеуметтік-экономикалық шараларды жүзеге асыруға арналды.