Конькишілеріміз әлем чемпионатында екінші орын алды

Қостанайлық конькишілер Германияда өткен әлем чемпионатының финалында екінші орын алды, деп хабарлайды «Қостанай жаңалықтары».

«Инцель қаласында (Германия) конькимен жүгіруден әлем кубогы финалының бірінші күні аяқталды. Жастар арасындағы әлем чемпионатында Қазақстан құрамасы тамаша өнер көрсетті. Жасөспірімдер арасындағы командалық спринтте біздің команда екінші орында» делінген жазбада.

Бірінші орынды АҚШ құрамасы, үшінші орынды Швеция командасы иеленді.

Қостанай облысынан ұлттық құрама сапында Роман Биназаров, Никита Важенин, Андрей Семенов бар.

Сондай-ақ жасөспірімдер арасында 1000 метр қашықтықта үш әлем чемпионатының қорытындысы бойынша жалпы есепте Никита Важенин үздік нәтиже көрсетті.

Жарысқа 28 елден 218 спортшы қатысуда.