«Көңіл көтермек болған»: Ер адам кездейсоқ танысқан адамынан опық жеп қалды

Кездейсоқ кездесуден кейін астаналық азамат ірі сомаға борышкер болып шықты, деп хабарлайды Orda.kz. 

ІІМ-нің мәліметінше, екі ер адам көшеде танысып, бірге ішімдік ішіп, уақыт өткізбекші болады. Олар дүкенге кіріп, жәбірленуші мобильді банктік қосымша арқылы алған тауарларының ақысын төлеген. Сол уақытта жанындағы жолдасы телефон мен қосымшаның құпия сөзін байқап қалған. Кейін күдікті ер адамның телефонын ұрлап алған. Жедел-іздестіру іс-шаралары нәтижесінде 28 жастағы жігіт анықтады. Ол ұрланған телефонды пайдаланып, сағат, сымсыз құлаққап және смартфонды несиеге  ресімдеген, содан кейін ұрланған мүлікті сатып жіберген.