Конго БҰҰ қызметкерлерін өлтірген 51 адамды өлім жазасына кесті

Конго Демократиялық Республикасындағы әскери трибунал 2017 жылы БҰҰ-ның екі қызметкерін өлтірген 51 адамды өлім жазасына кесті, деп хабарлайды Agence France-Presse.

Бұл елде  елде 2003 жылдан бастап өлім жазасына мораторий жарияланған.

Басылымның  айтуынша, бұл іс бойынша  сотта 54 адам айыпты болған. Бір күдікті 10 жылға бас бостандығынан айрылды, тағы екі айыпталушы ақталды.

Агенттік атап өткендей, 2003 жылдан бастап Конгода өлім жазасына мораторий енгізілген. Ол әдетте өмір бойына бас бостандығынан айыру жазасына ауыстырылады.

БҰҰ-ның екі қызметкері - АҚШ азаматы мен Швеция азаматы 2017 жылдың наурыз айында Конгоның Касаи провинциясында жоғалып кеткен.  Осы орайда аймақтағы қарулы қақтығыстарда қаза тапқан адамдардың  бейіттері зерттелді. Сарапшылардың мәйіттері екі аптадан кейін табылды.

Ресми нұсқа бойынша, оларды жергілікті жасақшылар өлтірген. Сол жылдың маусым айында БҰҰ Қауіпсіздік кеңесі кісі өлтіру алдын ала ойластырылған және оған жергілікті барлау қызметкерлерінің қатысы болуы мүмкін деген болжам жасады.