Қонаевта студент қызды өлтіргендерге үкім шығарылды

Қонаевта жас қызды сақамен ұрып өлтірген 2 жігітті сот 17 жылға бас бостандығынан айыру жазасын тағайындады деп хабаррлайды Orda.kz.

Облыстық соттың мәліметінше, қайтыс болған қыз 6 наурызда айыпталушылармен ортақ таныстары арқылы танысқан. Содан ортақ танысы оған уақытша баспана тауып беруді сұрайды. Олар Алматыдан пәтер жалдаған. Бір күннен кейін пәтерақы төлеуге ақшалары таусылып, сотталушылардың бірі қызды «iPhone13 Pro» телефонын ломбардқа өткізіп, кейін қайтарып аламыз деп көндірген.

Алған ақшаны жұмсап, жігіттер қызды банк пен микрокредиттік ұйымдардан несие алуға тағы көндіріп, 435 мың теңге алады. 12 наурызда айыпталушылар жасырын түрде қыздың смартфонын ломбардтан қайтарып алып, оны 240 мың теңгеге сатып жіберіп, ақшаны өз қажеттіліктеріне жұмсайды.

Қыз телефонын қайтарып беруді талап ете бастағанда, сотталушылар ақша қайтармау үшін оны өлтірмекке шешім қабылдайды. Ақыр соңында, 15 наурызда  олар қызды үйіңе апарып тастаймыз деген желеумен түнгі 2-лер шамасында жолда тоқтап, қызды сақамен кезек-кезек ұрады. Қыз алған жарақатынан сол жерже жан тапсырады. Сонымен қатар сотталушылар қызды өртеп жіберуге тырысады.