Қонаевта қарым-қатынастарын төбелес арқылы шешпек болғандар ұсталды

Оқиға орнынан түсірілген видео желіге тарады. Кадрлардан бір машинаның кездесу орнына жақындап келе жатқаны, көліктегілер салон мен багаждан шамалы суық қаруға ұқсайтын бөлшек заттарды шығарып, төбелеске дайындала бастағаны көрінеді, деп хабарлайды Orda.kz.

Алматы облысының полиция департаменті хабарлағандай, екі күдікті дереу ұсталды. Олар уақытша ұстау изоляторына қамалды.

 «Қазіргі уақытта оқиғаның барлық жағдайларын жан-жақты және объективті анықтауға бағытталған кешенді тергеу іс-шаралары жүргізілуде» деп жазылға облыстық полиция хабарламасында.