Қонаев қаласы маңындағы 1 гектар аумақта қамыс өртенді

Қонаев қаласының 5-шағын ауданында шамамен 1 гектар аумақта қамыс өртенді. Оқиға орнына құтқарушылар келіп, өртті сөндіру жұмыстарын жүргізіп жатыр, деп хабарлайды Orda.kz.      

ТЖД хабарлауынша, адамдар мен инфрақұрылым нысандарына қауіп жоқ, жағдай толық бақылауда.

Оқиға орнына келген Алматы облысы ТЖД күштері мен құралдары арқылы жеке тұрғын үй секторына таралу қаупі бар қамыс жанып жатқаны анықталды. Өрт сөндірушілер өрттің үйлерге өтуіне жол бермеді.

Алдын ала мәліметтер бойынша, қамыстың жану алаңы шамамен 1 гектарды болды.

Қаза тапқандар мен зардап шеккендер жоқ.

Еске салсақ, 28 наурызда Қонаевқа аквапарк ауданында құрғақ өсімдіктер өртенген болатын. Ол кезде де өрт тұрғын үйлерге тарай жаздаған болатын.

Оқи отырыңыз:

• АҚШ пен Иран арасындағы келіссөздердің алғашқы раунды 11 сәуірде өтеді — Ақ үй
• Алматы облысында 2 балдық жер сілкінісі болды
• Трамп өзін қолдамаған НАТО одақтастарын жазаламақшы