Қонаев әкімдігі: жағажайды су басты, үйлерге қауіп төнген жоқ

Қапшағай су қоймасында қатты жел салдарынан жағажайлардағы су деңгейі көтерілді. Бұл туралы Алматы облысының әкімдігі хабарлады. Қазіргі уақытта жағдай тұрақталып, тұрғын үйлерді су басу қаупі жоқ, деп хабарлайды Orda.kz порталы.

Әкімдіктің мәліметінше, Қонаевта шығыстан соққан желдің екпіні секундына 24 метрге дейін жеткен. Бұл толқын әсерінен су қоймасы жағалауында судың көбеюіне әкелді.

«Қалада тұрғын үйлер мен нысандарды су басу қаупі жоқ, жағдай қалалық әкімдік пен қалалық төтенше жағдайлар департаментінің қатаң бақылауында» деп сендірді әкімдік.