Коммуналдық қызметтердегі артық төлем

Монополияға қарсы күрес қызметі  Астанада коммуналдық қызметтерге артық ақы төлеу фактілері туралы  хабарлауды сұрайды, деп хабарлайды Orda.kz.       

Ұлттық экономика министрлігі Табиғи монополияларды реттеу комитеті департаменті (ТМРКД) коммуналдық төлемдердің өсу фактілерін хабарлауды сұрайды.

«Егер елордалық тұтынушылардан есептеу құралдарының дұрыс көрсетпеуі немесе жылу үшін төлемақы алу бойынша осындай жағдайлар туындаса, мән-жайды анықтау үшін «Астанаэнергосбыт» ЖШС-не хабарласуды сұраймыз» деп мәлімдеді ТМРКД баспасөз қызметі.

Астаналықтар құқықтары бұзылған жағдайда, Табиғи монополияларды реттеу комитетінің Петров көшесі, 5 үй мекенжайы бойынша департаментіне немесе e-Otinish арқылы жағдайды білдіру қажет.

«Егер монополист тарапынан бұзушылықтар анықталса, ТМРКД қарсы шара қабылдайды» деп толықтырды департамент.

Еске салсақ, соңғы уақытта тек Астана емес, басқа қалалар тұрғындарының да коммуналдық төлемдердің жоғары бағамен келгенін жазған жазбалары әлеуметтік желіде көбейген. Мысалы, бір адам тұратын бір бөлмелі 45 шаршы метр пәтер үшін түбіртекте 50 мыңнан астам теңге жазылған.