Көмір дағдарысы: Отын бағасы өсуде

Қазақстанда қатты отын өндірісі екінші жыл қатарынан азайып келеді, ал баға өсіп жатыр, деп хабарлайды Orda.kz.

2024 жылы 112,6 млн тонна қатты отын өндірілді (2023 жылмен салыстырғанда 3,2 %-ға аз). Алдыңғы жылы бұл көрсеткіш 1,4 %-ға азайған болатын. Өндіріс көлемі бойынша жетекші өңірлер:

▪️ Павлодар облысы — 67 млн тонна;
▪️ Қарағанды облысы — 36,5 млн тонна;
▪️ Абай облысы — 7,6 млн тонна;
▪️ қалған облыстар — 1,5 млн тонна.

Ал баға, керісінше, жетінші ай қатарынан өсіп келеді.

«2024 жылдың желтоқсанында баға тағы 0,8 %-ға өсті. Ең үлкен өсім қыркүйек айында — 2,6 % болды», - деп атап өтті сарапшылар. 

Жыл ішінде көмір бағасы 10,4 %-ға қымбаттады, бұл 2018 жылдан бергі ең үлкен өсу болды. Бағаның көтерілуі әсіресе Ақтөбе облысында — 24,6 %, және шығыс өңірлерде — 15,8 % байқалады. Мысалы, Ақтөбеде бір тонна қатты отынның орташа бағасы 23 мың теңге.

Елдің газдандырылуына қарамастан, 18 % отбасылар жылыту үшін көмір пайдаланады. Кейбір өңірлерде бұл көрсеткіш жартысынан артық.

Президент , керісінше, Қазақстанда тұрғын үй-коммуналдық қызметтер мен отын бағасының тым төмен екенін айтуда.