Көмір бағасы қаншалықты өседі?

Көмірдің бағасын қалыптастырудағы негізгі рөл — кеніштен тұтынушыға дейін жеткізу, соның ішінде теміржол тасымалдары атқаратын шығындарға қатысты.

Бұл туралы өнеркәсіп және құрылыс министрлігі брифинг барысында хабарлады.

Министірліктің өнеркәсіптік комитеті төрағасының орынбасары Тұрар Жолмағамбетов көмірдің кеніштердегі бағасы жеткізушіге байланысты тоннасына 7,1 мыңнан 9 мың теңгеге дейін өзгеретінін айтты.

Өңірлердегі тұтынушылар үшін көмір бағасы 8 мыңнан 26 мың теңгеге дейін өзгеріп отырады. Жолмағамбетовтің айтуынша, көмір кеніштеріне жақын орналасқан елді-мекендерде көмірді арзанырақ бағамен сатып алуға болады. Өйткені, оның құнына айтарлықтай тасымалдау шығындары кірмейді. Алайда, теміржол тармақтары жоқ және көмірді жеткізу үшін дизельдік отынды пайдалану қажеттілігі бар алыс өңірлерде көмір бағасы айтарлықтай жоғары болады.

Атап айтар болсақ, «Шұбаркөл Көмір» компаниясының көмірі тоннасына 8 мың теңге тұрады, бұл өткен жылмен салыстырғанда 900 теңгеге қымбат. «Қаражыра» компаниясының көмірі тоннасына 8,7 мың теңге, яғни 200 теңгеге қымбаттады. Ал «Майкүбен-Вест» компаниясы көмірдің тоннасын 7750 теңгеден сатады, өткен жылмен салыстырғанда 650 теңгеге қымбат. «Шұбаркөл премиум» маркалы көмірінің бағасы тоннасына 9 мың теңге деңгейінде сақталды.