Комада жатқан сарбаз Ербаян Мұхтардың ісі бойынша тың деректер пайда болды

5571 әскери бөлімде азаматтық борышын өтеу барысында комаға түскен Мұхтар Ербаянның ісі алға жылжып жатыр.

Олардың12 маусымда Алматы қаласында Адам құқықтары мен заңдылықты сақтау жөніндегі екінші баспасөз-конференциясында айтылған шағымдар жартылай орындалды.

Бұл туралы заңгер Инга Иманбай өзінің Facebook  парақшасында хабарлады.

«Ербаян Мұхтардың ісі бойынша соңғы жаңалық: біз баспасөз-конференциясында айтқан талаптардың бірнешеуінің орындалуына қол жеткіздік. Тергеу тобының құрамы өзгеретін болды. Әскери бөлімде отыратын тергеушілер істен шеттетіледі. Іс 5571 әскери бөлімінде емес, Бас әскери прокуратурада тергелетін болды. Ербаянның анасы Гүлсім Камиева іс бойынша ресми жәбірленуші ретінде танылды. 7 маусымнан бастап іске жәбірленушінің заңды өкілі ретінде адвокат Жалғас Сапарханов та қосылды. Яғни енді Ербаянның ісімен Жалғас екеуміз қатар айналысамыз. Бүгін жаңа құрылған тергеу тобы жетекшісі атына Ербаянның ауруханадағы қауіпсіздігін қамтамасыз ету бойынша бірнеше өтінішхат қалдырдық. Бұл істің бастамасы ғана, біз әділеттілікке жету үшін қолдан келгеннің бәрін жасайтын боламыз» деп хабарлады Инга Иманбай.