«Көлікті 13 жастағы бала басқарған»: Алматы облысында жол апаты болып, 2 адам көз жұмды

Алматы облысында жол апатынан екі адам қаза тапты. Көліктердің бірін 13 жастағы бала басқарғаны белгілі болды, деп хабарлайды Orda.kz. 

Қайғылы оқиға Алматы облысының Жалпақсай ауылында болған. ВАЗ бен Hyundai Grandeur көліктері соқтығысып, 2 адам тіл тартпай кетті. Куәгерлер көлікті 13 жастағы бала басқарғанын айтты.

Жергілікті тұрғындардың айтуынша, ВАЗ жүргізушісі қиылысқа шығып, келесі көлікке жол бермеген. Нәтижесінде Hyundai көлігі бағанаға барып соғылған. Жүргізуші мен жолаушы оқиға орнында көз жұмды. Ал көлік тізгіндеді деген жасөспірім жарақат алып, ауруханада жатыр.

Оқиғаның ресми деректері мен себептері анықталуда. Аймақтағы полиция департаменті қазірге бұл жағдай бойынша ақпарат бермеді. 

Айта кетейік, Ақтауда пышақ ұстаған ер адам бөтен пәтерге терезе арқылы кірмек болды.