«Көлік ұрлаған»: 8-сынып оқушысы жаяу жүргіншілер жолындағы қызды қағып кетті

Маңғыстау облысында 8-сынып оқушы көлік тізгініне ие бола алмай, адам қағып кетті. Ол ата-анасының көлігін ұрлап кеткен, деп хабарлайды Orda.kz. 

Жол апаты 25 шілде күні таңғы алты шамасында болған. Жүк көлігіндегі адам жаяу жүргіншілер жолына шығып, қызды қағып кетті. Кейіннен жүк көлігін 15 жастағы оқушы айдағаны белгілі болды. Полицияның мәліметінше, ол көлікті ата-анасынан ұрлап кеткен.

Зардап шеккен 2011 жылы туған қызға шұғыл ота жасалды. Ол бес күн жансақтау бөлімінде ес-түссіз жатты. Жәбірленуші қыз түтік арқылы тамақтанады және денесін қозғалта алмайды. 

Көлік тізгіндеген жасөспірімнің ата-анасына қатысты әкімшілік және қылмыстық іс қозғалды. 

Айта кетейік, досының психикалық ауытқуы бар қызын зорлаған ер адам Ресейден экстрадицияланды.