Көлік салығы жеңілдігі қашан басталып, қандай көліктерге арналады

Салық жеңілдігі қашан және қандай көліктер үшін жұмыс стей бастайтыны белгілі болды, деп хабарлайды Orda.kz.

Статистика көрсеткендей, елiмiздiң автопаркiнiң жартысынан астамы осы жеңілдікті пайдалана алады. Әңгіме 11 жылдан асқан көліктер туралы болып отыр.

Бастысы жаңартылған Салық кодексінің жобасы мәжілісте мақұлданып, сенатқа жөнелтілді.

Шыққанына 11-20 жыл аралығындағы жеңіл көліктер үшін 30 пайыздық және ескі көліктер үшін 50 пайыздық салық жеңілдігін бекітетін норма құжатта қалды. 

Енді оны сенаторлар қарап, президент қол қойса, халықтың бір жүгі болса да жеңілдеп қалатыны белгілі.

Жеңілдік қашан қолданыла бастайды

Кодекс 2026 жылғы 1 қаңтардан бастап күшіне енуі тиіс. Сол кезден бастап жеңілдіктер қолданыла бастайды. Мысалы, 2026 жылдың ақпанында ескі автокөлікті сатқан жағдайда, оның иесіне салықты 2025 жылға дейін ескі мөлшерлеме бойынша (егер ол төленбесе), ал 2026 жылы иелену уақытында жаңа, төмендетілген мөлшерлеме бойынша төлеу қажет болады.

Қанша автомобиль салық жеңілдігін ала алады

ҚР Ұлттық статистика бюросының есебіне сәйкес, 2025 жылғы 1 мамырдағы жағдай бойынша Қазақстанда барлығы 6 175 955 көлік құралы тіркелген. Оның ішінде жеңіл көліктер саны - 5 340 301. Сонымен қатар шыққанына 10 жылдан 20 жылғы дейінгі - 1 270 746 және 20 жылдан жоғары - 2 266 099 көлік бар. Барлығын қоссақ  - 3 536 845 ескі көлік бар екені белгілі.

Яғни, қазақстандық жеңіл автопарктің жартысынан астамы келесі жылдан бастап салықтық жеңілдікке сенім арта алады.

2026 жылға қарай тағы бір жыл қосылуына байланысты ескі көлік саны артуы мүмкін.