Көлік министрлігі ең көп жол апаты болатын саланы атады

Көлік министрлігі "таксомотор" тасымалы саласындағы жетекші интернет-платформалармен бірлесіп, көрсетілетін қызметтің қауіпсіздігі мен сапасын арттыру бойынша жұмыстар жүргізуде. 

Бұл туралы көлік министрлігі хабарлады.

«Бүгінгі күні осы нарықта қызмет көрсетушілерден ұсыныстар қабылданып, оларды зерделеу және егжей-тегжейлі талқылауға байланысты жұмыстар жүргізілуде», - деп хабарлалы көлік министрлігі.

Мемлекет аумағында да халықты тасымалдау қауіпсіздігін қамтамасыз ету бойынша базалық талаптар белгіленген, мысалы:

• Көлікті техникалық бақылаудан өткізу;
• Жүргізушінің рейс алдындағы медициналық тексеруден өтуі;
• Жүргізушінің жұмыс және демалыс режимін сақтауы;
• Жылдамдық режимін сақтау;
• Тасымалдау саласында тек сол жақты "рулі" бар автокөліктің жұмыс істеуі;
• Тасымалдаушыда сақтандырудың болуы;
• Тасымалдау саласында ел аумағында тіркелген автомобильдің ғана жұмыс істеуі.

«Жоғарыда аталған талаптарды интернет-платформалар арқылы жұмыс істейтін жүргізушілер жиі сақтамайды. Бұл жолаушылардың қауіпсіздігіне тікелей әсер етеді», - деп мәлімдеді ведомство.

Қайғылы жағдаймен аяқталған апаттың көп бөлігі қозғалыс жылдамдығы жоғары жолдарда орын алуда. Тиісінше, басты назар қалааралық жолаушылар тасымалымен айналысатын жүргізушілерге де қатысты.