Көлік министрі: Bek Air ұшағының апатына қатысты тергеу қайта басталады

Қазақстанның Көлік министрі Марат Сауранбаев Bek Air әуе апатына қатысты тергеу қайта басталатынын растады. Бұл туралы ол баспасөз мәслихаты барысында мәлімдеді, деп хабарлайды Orda.kz 

Еске салайық, 2019 жылдың 27 желтоқсанында Алматыда Bek Air әуе компаниясының ұшағы апатқа ұшыраған болатын. Әуе кемесі ұшып бара жатқанда құлап, 13 адам қаза тапты.

«Өкінішке қарай, авиация саласында мұндай оқиғалар жиі кездеседі. Ал нақты шешімін табу өте күрделі. Қазіргі таңда барлық қажетті құжаттар дайындалып жатыр», – деді министр.

Бұған дейін, 2024 жылдың сәуір айында, Көлік министрлігі тергеу аяқталды деп мәлімдеген еді. Алайда қазір ведомство өз ұстанымын қайта қарап, істі қайта қарауға қажетті материалдарды дайындап жатыр.