Қоқыс жыры бітпеген Ерейментау әкімі қызметінен кетті

Ерейментау әкімі қоқыс шығаруға қатысты жанжалдан кейін қызметінен кетті.
 
Сапар Барлыбаев өзінің қызметтен кеткенін жергілікті мессенджер арқылы хабарлаған. 

«Өкінішке қарай, ең жақсы денсаулық нашарлай бастайды екен. Мен отбасыма жақсы отағасы, үлгілі әке керек деп шештім. Түсіністік танытқандарыңызға рахмет» деп жазды Барлыбаев. 

Негізінде, Ерейментау тұрғындары қоқысқа қатысты мәселе әлі өзгермегенін айтып шағымдануда. Айтуларынша, осыған байланысты аудан әкімі сөгіс алып қызметінен кеткен. Бүгін де тұрғындар тұрмыстық қалдықтарды өз бетімен шығаруда.

                                                                        Фото: Ерейментау тұрғындарынан

Еске сала кетейік, Астанадан жүз шақырым жерде орналасқан шағын қала қоқыс жинайтын қораға айналды. Үкімет қаладан қоқыс шығару қызметін «бәсекелестік ортаға көшіру» туралы бұйрық бергеннен кейін Ерейментау тұрғындарының мәселесі басталды. Бұл жұмысты қолға алған мердігер компанияның жергілікті әкімдікпен қарым-қатынасы жақсы болмаған. Іс сотқа дейін жетті. Қақтығыс айлар бойы жалғасып, осы уақыт бойы тұрғындар қаладан қалдықтарды өз күштерімен шығарды. Бұл мәселе туралы  Orda.kz жазған болатын.