«Қоқыс тастауға шыққан»: Алматыда 16 жастағы жасөспірім жоғалып кетті

Алматыда 28 шілдеде қоқыс тастаймын деп үйінен шыққан жасөспірім сол күйі қайта оралмады, деп хабарлайды Orda.kz. 

16 жастағы Айдос Әкімбаев 28 шілде күні таңғы сағат 10:53-те Әуезов ауданы Мамыр-3 шағын ауданындағы үйінен қоқыс тастауға шыққан. Содан кейін үйіне қайтып оралмады. Жасөспірімнің жоғалғанына бүгін 22 күн болды. 

Бозбала жоғалған күні оның үстінде ақ футболка, қара шолақ шалбары болған. Полиция жасөспірімді іздеу шаралары жүргізіліп жатқанын мәлімдеді.

Айта кетейік, шілдеде Алматы тауларында жоғалған ҚБТУ студентінің мүрдесі табылған еді.