Көкшетаудағы мектеп әжетханаларына бейнебақылау камералары орнатылды

Көкшетаудағы № 6 мектеп-лицейде әжетханаларға бейнебақылау камералары орнатылды. Бұл жайт ата-аналар арасында қызу талқыға түсті, - деп хабарлайды Orda.kz порталы sinegor.kz.  сайтына сілтеме жасап.

«№6 мектепте әжетханаларға камера орнатылды, бұл қай бассыздық! Әкімшілік пен оның жауапкершілігі қайда?  Ата-аналардан рұқсат сұралмады. Камера жоғарыда ілулі тұр , одан адам көрінуі мүмкін. Ең болмағанда басы көрінеді», - деп ашуланды мектеп оқушыларының кейбір ата-аналары. 

Алайда мектеп әжетханасынан түсірілген видеоға түсініктемелерде көптеген қолданушылар бейнекамера орнатуды қолдаған.

«Ата-ана ретінде мен камера орнатылғанын толығымен қолдаймын, олар балалардың құқықтарын қорғау үшін орнатылды және олар келесі мақсаттарды көздейді:
1. Қауіпсіздікті қамтамасыз ету: қорқыту, төбелес немесе басқа да жанжал жағдайларының алдын алу.
2. Мүліктік залалдың алдын алу: вандализм және мектеп мүлкіне зиян келтіру оқиғаларын азайту. 
3. Тәртіпті сақтау: камера оқушыларға тәртіп сақтауды еске салады.
4. Оқыс оқиғалар: Бейнебақылау  оқыс оқиғаларды тергеуге көмектеседі», - деп жазды ата-аналардың бірі. 

Алайда мектеп әжетханасындағы камераға қатысты түсініктемелерде көпшілік бейнекамера орнатуды қолдаған.

Мектеп әкімшілігі ер балалар дәретханасына бейнекамера орнату «оқушылардың қауіпсіздігін қамтамасыз етуге бағытталған және ол білім басқармасы басшысымен балалардың құпиялылық құқықтарын сақтау шартымен бұрын келісілген», деп түсіндірді.

«Камера кабиналардың ішкі кеңістігі бейне көру аймағына түспейтіндей етіп орнатылған. Мұндай шешім қабылдауға бірнеше рет вандализм оқиғалары, сондай-ақ екі рет ұрыс-керіс пен жасөспірімдер арасындағы жанжал салдарынан бірнеше оқушының қатаң бақылауға алынуы себеп болды. Ата-аналар комитеті мен кеңес өкілдерінің отырысы 25 қарашаға белгіленді. Кездесу барысында балалар құқықтарының бұзылмағанын растайтын бейнежазба көрсетіледі», - делінген хабарламада.