Көкшетауда полицейге пара берген адам ұсталды

Көкшетау тұрғыны полицейді жезөкшелікпен айналысатын орын ұйымдастыру ісі бойынша жауапқа тартпағаны үшін пара бермек болған.

Бұл туралы Ішкі істер министрлігі хабарлайды.

«Ішкі қауіпсіздік басқармасының қызметкерлері ұйымдасқан қылмысқа қарсы күрес басқармасы берген ақпарат негізінде ақша аударып жатқан жерінде 44 жастағы Көкшетау азаматын қылмыс үстінде ұстады» деп хабарлады ІІМ.

Мемлекеттік функцияларды орындауға уәкілетті адамға пара беру фактісі бойынша ҚР Қылмыстық кодексінің 367-бабының 2-бөлігімен және ҚР ҚК-нің 309-бабына сәйкес қылмыстық істі жезөкшелік пен жезөкшелікке арналған үй ұйымдастырғаны немесе жүргізгені үшін сотқа дейінгі тергеу басталды.