Көкшетауда әйел полицейге шабуыл жасады

Билік өкіліне күш көрсеткен Көкшетау қаласының тұрғыны ұсталды.

25 қарашада Көкшетау вокзалында желілік полиция бөлімінің патрульдік қызметінің қызметкері қала тұрғынын мас күйінде ұстады. Әйелді масаңдық дәрежесін анықтау үшін медициналық тексеруге алып барғанда құқық бұзушы бағынбай, полиция қызметкеріне дене жарақатын салған.

Медициналық сараптама қорытындысына сәйкес, құқық бұзушы жеңіл дәрежелі масаң күйде болған.

«Билік өкіліне күш көрсету фактісі бойынша ҚР Қылмыстық кодекстің 380-бабының 4-бөлігі «Билік өкіліне қатысты қорқыту немесе күш қолдану әрекеттері» бойынша сотқа дейінгі тергеу амалдары жүргізілуде», - деді көліктегі полиция бөлімінің бастығы Бақытжан Малыбаев.