Қойма қызметкерлері Қытайдан келген 200 млн теңгенің тауарын ұрлаған

cover Фото: pixabay

Қойма қызметкерлері Қытайдан келген тауарды ұрлаумен айналысқан, деп хабарлайды Orda.kz. 

«Алматы-1» станциясындағы желілік полиция басқармасы уақытша сақтау қоймасы қызметкерлеріне қатысты сотқа дейінгі тергеуді аяқтады.

Бір топ қызметкер 2023 жылдан бастап қоймадағы Қытайдан келген тауарды ұрлаумен айналысқан. 

«Күдіктілер контейнерлердің ішіндегі тауарлар туралы ақпаратқа қол жеткізіп, ұрланған тауарларды жергілікті базарларға сатқан», - деп хабарлайды бас көлік прокуратурасы.

Сол арқылы отандық және шетелдік компанияларға 200 млн теңгеден астам шығын келтірілді. 

Жетісу көлік прокуратурасы істі сотқа жолдады. 

Жаңалықтар

барлық жаңалықтар