Көшеде қалған студенттерге көмек көрсетіледі

Көшеде түнеді деген студенттер түсірілген видео ҚР Ғылым және жоғары білім министрлігінің назарын аударды.

Бір күн бұрын интернетте екі қысқа бейнетүсірілім пайда болды. Онда студенттер ойын алаңында жайғасқан, айналасында сөмкелерін үйіп қойған. Ал жігіттер (әзілдегендей) өтіп бара жатқан полиция қызметкерлері мен жандарынан өткен қыздан көмек сұрайды.

Екінші видеода жігіттер түнде ашық аспан астында орындықтар мен сөмкелер арасында көрпеге тығылып жатыр.

Бұл оқиға Алматыда болып жатқаны және студент ер балалардың  жалдап тұрған пәтерлерінен қуылғаны хабарланды.

Бүгіннің өзінде Білім министрлігі видео авторларын іздестіріп, студенттерден жауап беруді сұрады.

«Ғылым және жоғары білім министрлігі бейнеролик авторларынан/кейіпкерлерінен, сондай-ақ куәгерлерден департаментке хабарласуды сұрайды. Қажет болған жағдайда студенттерге қажетті көмек көрсетіледі. Алматыда қиын жағдайда қалған студенттерді баспанамен қамтамасыз ету бойынша жедел штаб жұмыс істейтінін естеріңізге саламыз. Көмек алу үшін студенттер +77786556083 нөміріне хабарласа алады» делінген хабарламада.

Басқарма заңсыз көшіру немесе тұрғын үйді жалға алу құнының көтерілу фактілері бар-жоғын нақтылайды. Қазақстандықтар заң көмегін алу үшін Әділет министрлігінің 119 (стационарлық телефон үшін) немесе Астана және Алматы қалалары бойынша 58-00-58 телефоны бойынша байланыс орталығына жүгіне алады.

Бейнетүсірілім: taraz_nablyudeniya