Көкшетауда жоғалып кеткен полиция қызметкерінің денесі табылды

Ер адам 20 маусым күні үйінен шығып кетіп, оралмаған.

Ақмола облысының полиция департаментінің қызметкерлері із-түзсіз жоғалған Зеренді аудандық ІІБ бастығының орынбасары Дүйсембин Тұрар Тұрарұлын 23 маусымнан бері іздеуде, ол үйден үш күн бұрын шығып кеткен.

Ақмола облысында жоғалып кеткен полицей Тұрар Дүйсембиннің денесі табылды, деп хабарлайды sinegor.kz .

Алдын ала мәлімет бойынша, Қылшақты өзенінен Зеренді аудандық ішкі істер бөлімі бастығының орынбасары Тұрар Дүйсембиннің мәйіті табылды.

Туыстары полицияға 23 маусымда жүгінген, ол үш күн бұрын жоғалып кеткен. Оның 21 маусымға қараған түні мәйіті табылған өзен аймағында орналасқан камералар жазып алған. Бұл аймақ екі күн бойы қаралып, іздеу жұмыстары өзен аумағында да жүргізілген.

Дүйсембиннің жоғалғаны туралы арыз Көкшетау қалалық полиция бөліміне маусымның 23-і күні түскен. Дүйсембиннің әйелінің айтуынша, ер адам 20 маусымда үйден шығып кеткен, содан бері оның қайда екені белгісіз болған.

ПД ресми түрде Дүйсембиннің еңбек демалысында екенін мәлімдеген.

Өтініш түскеннен кейін полицейлер ауқымды іздестіру шараларын ұйымдастырып, Зеренді АІІБ, Көкшетау қалалық ІІБ, бөлім қызметкерлері, әскери қызметшілер мен еріктілер тартылған.