ҚМГ АМӨЗ жұмысын тексеру үшін жұмыс тобын құрды

«ҚазМұнайГаз» АҚ басқарма төрағасының орынбасары Дмитрий Макеев Атырау мұнай өңдеу зауытында болып жатқан жайт туралы айтты, деп хабарлайды Orda.kz.

Бір күн бұрын қол астындағылар Атырау мұнай өңдеу зауыты басшылығының үстінен Қазақстан президентіне шағымданған. Онда кәсіпорын басшысы Ғалымжан Жусанбаевты шектен шығып, жұмысына салғырттық танытты деп айыптады.

«Атырау мұнай өңдеу зауыты қалыпты жұмыс істеп тұр. ҚМГ Басқарма төрағасының тапсырмасы бойынша әлеуметтік желілердегі хабарламалар бойынша тексеру жүргізу үшін жұмыс тобы құрылды. Жұмыс тобы толық жасақталды. Жұмыс жүріп жатыр»,  деді «ҚазМұнайГаз» АҚ басқарма төрағасының орынбасары Дмитрий Макеев.

Бұған дейін Orda.kz Атырау мұнай өңдеу зауыты бас директорының орынбасары – бас инженер Әділет Шошаңбасовтың президент Қасым-Жомарт Тоқаевқа, сондай-ақ Қазақстан Республикасының Энергетика министрі мен «ҚазМұнайГаз» АҚ-на үндеу жолдағанын жазған болатын. Ол өз хатында ЖШС басшысы Ғалымжан Жусанбаевтың атына ауыр айып тағыпты.

Атап айтқанда, хатта директордың қызметкерлерге өрескел үстемдік ететін мінез-құлқы және жұмыс орнында алкогольді ішімдіктерді пайдаланғаны мәлімделген.

Шошаңбасов соңғы жағдай қондырғылардың бірінің апатты жағдайда тоқтап қалуымен өрши түсіп, апаттың  жұмысшылар өліміне себеп болуы мүмкін екеніндігін баса айтты.