ҚМДБ ғұламалар кеңесі дің жасушаларының донорлығына қатысты пәтуа шығарды

ҚМДБ ғұламалар кеңесі шариғат тұрғысынан дің жасушаларының донорлығына рұқсат ететін пәтуа шығарды, деп хабарлайды Orda.kz.

Дің жасушалары донорлығы – адамның сүйек кемігінің гемопоэздік дің жасушаларын (ГДЖ) науқасқа транспланттау процесі.

ҚМБД ғұламалар кеңесінің мәліметінше, сүйек кемігінің гемопоэздік дің жасушаларын транспланттауға қан донорлығы үкіміне салыстырмалы түрде рұқсат берген. Өйткені дің жасушалары донорлығы шариғаттың өзара бір-біріне көмектесу және бүкіл адамзатты өлімнен құтқару принципіне сай келеді. 

ҚМБД шығарған нақты шешім мен шарттарына келетін болсақ:

Сүйек кемігінің гемопоэздік дің жасушаларын науқасқа транспланттауға  шариғи тұрғыдан рұқсат етіледі. Алайда мынадай шарттардың болуы тиіс:
1) Аса зәрулік;  
2) Донордың денсаулығына ешқандай зиян тимеуі;
3) Өз еркімен, разылығымен беруі;
4) Бұл процесс білімді, білікті дәрігерлердің бақылауымен жүзеге асуы тиіс.