ҚМА қызметкері мемлекеттік құпияларды жария етті

Қазақстанның  қаржы маниторинг агентігінің қызметкері мемлекеттік құпияны жария еткені үшін сотталды.

Бұл туралы бас көлік прокуратурасының баспасөз қызметі хабарлады.

«Шымкент қаласының қылмыстық істер жөніндегі ауданаралық сотының үкімімен азамат К. Қазақстан Республикасы Қылмыстық кодексінің 185-бабының 3-бөлігімен (мемлекеттік құпияларды заңсыз жария ету) бес жылға бас бостандығынан айырылды» делінген хабарламада. 

Қадағалау органының мәліметі бойынша, сотталған адам қаржы мониторингі агенттігінің қызметкері.

«Бұл қылмыс мемлекеттің қауіпсіздігіне қатер төндіретін ең ауыр қылмыстардың бірі ретінде сараланады. Сот отырысы барысында прокурор қызметкердің бір жыл бойы құпия ақпаратты үшінші тұлғаларға бергеніне сенімді дәлелдер келтірді. Мұндай қылмыстардың алдын алу – құқық қорғау органдарының басым бағыттарының бірі. Үкім заңды күшіне енді» деп толықтырды ведомство.