ҚМА криптовалютаға қатысты мен заңсыз операциялары байқалғанын хабарлады

Қаржы мониторингі агенттігі (ҚМА) Қазақстанда жеке тұлғалардың криптовалютаға қатысты заңсыз операциялары байқалғанын мәлімдеді, деп хабарлады Orda.kz тілшісі.

«Қазіргі уақытта ҚМА жеке тұлғалардың криптовалютамен заңсыз транзакциялар (сатып алу/сату, тауарлар, жұмыстар, қызметтер үшін төлемдер, P2P арқылы транзакциялар) жағдайын бақылауда. Криптовалюталар көбінесе алаяқтық, пирамидалық схемалар және ақшаны жылыстату сияқты қылмыстарда қолданылады» делінген егенттік берген есепте. 

Ведомство Қазақстан аумағында мыналарға тыйым салынғанын еске салды:

- қамтамасыз етілмеген цифрлық активтерді шығаруға (биткоин, эфириум және т.б.);

- қамтамасыз етілмеген цифрлық активтердің айналымы (биткоин, эфириум және т.б.) арқылы өзара есеп айырысуларға;

- цифрлық активтерді қамтамасыз етілмеген цифрлық активтерге айырбастау қызметі (қамтамасыз етілмеген цифрлық активтерді валютаға және валюталарды қамтамасыз етілмеген цифрлық активтерге айырбастау қызметтері).

«Бұл тыйымның бір ғана ерекшелігі бар - Астана халықаралық қаржы орталығынан (АХҚО) лицензия алған биржалардың қызметі» деп қосты ҚМА.