«Клинингтік қызмет»: Алаяқтар пәтер иесін тақырға отырғызды

Ақтауда ер адам мен әйел клинингтік қызметті  пайдаланып, сегіз пәтерді тонап кеткен, деп хабарлайды Orda.kz.

Полицияның мәліметінше, жәбірленушілер полицияға жүгінгеннен кейін қылмыскерлер тез арада құрықталды. Олардың кінәсі тәркіленген ұрланған мүлікпен және мойындау айғақтарымен дәлелденді. Күдіктілер Ақтау қаласының бұрын есірткі сақтағаны және ұрлық жасағаны үшін бірнеше рет сотты болған 39 жастағы тұрғыны мен оның 43 жастағы танысы болып шықты. Қазіргі уақытта екі күдікті де қамауға алынды.

ІІМ пәтер тазарту қызметі бойынша тек сенімді клинингтік компанияларға жүгінуді ескертеді.