Қытайда BBC World News телеарнасы бұғатталды

BBC World News телеарнасы «жаңалықтарды жариялау ережелерін бұзғаны үшін» Қытай аумағында хабар таратуға тыйым салынды. Бұл туралы BBC China сайтында хабарланды.

Қытай ұлттық радио және теледидар басқармасы (NRTA) мәлімдемесінде BBC World News ҚХР - да теледидар және радио хабарларын тарату ережелерін бұзғанын атап өтті.

«Арнаның репортаждары шыншылдық пен объективтілік қағидаттарына сәйкес келмеді және Қытайдың ұлттық мүдделері мен этникалық ынтымақтастығына нұқсан келтірді»

Би-Би-си Қытайдың батысындағы Шыңжаң автономиялық аймағында мыңдаған мұсылмандардың (ұйғырлар, қазақтар және басқа да этникалық топтардың) құқықтарының бұзылғаны туралы бірнеше рет хабарлады.

Қытай реттеушісінің ресми хатынан:

«Телеарнаның жұмысы Қытайдағы хабар тарату талаптарына сәйкес келмейтіндіктен, BBC World News ҚХР аумағында жұмысын жалғастыруға құқығы жоқ. Реттеуші келесі жылы арнаның хабар тарату туралы өтінішін қабылдамайды».

BBC World News бұғатталуды былай түсіндіреді:

«BBC World News-тің Қытайдағы хабар таратуына тыйым салу жағдайына өткен аптада Қытайдың ағылшын тіліндегі China Global Television Network телеарнасы Ұлыбританияда хабар тарату лицензиясынан айырылғаны әсер етті».

Осыдан кейін бірден Қытай Сыртқы Істер Министірлігі ВВС жаңалықтарының мазмұнына шағымдана бастады.

Британдық Ofcom реттеушісі Ұлыбританияда кабельдік желілерде, сондай-ақ Freesat спутниктік платформасында қол жетімді қытайлық халықаралық жаңалықтар арнасы Қытай Коммунистік партиясының бақылауында екенін, бұл редакциялық Тәуелсіздік туралы Заңның талаптарына сәйкес келмейтінін айтты.

Ұлыбританияның Сыртқы істер министрі Доминик Рааб BBC World News-ті Қытайда таратуға тыйым салу туралы «бұқаралық ақпарат құралдарының еркіндігіне қысым жасау» деп түсіндірді.

«Қытайда жер шарындағы БАҚ пен интернет бостандығына қатысты қатаң шектеулер бар, және бұл соңғы қадам Қытайдың әлемдегі беделіне нұқсан келтіреді».

BBC World News-әлемнің 200-ден астам елінде қолжетімді, тәулік бойы жұмыс істейтін халықаралық ақпараттық телеарна.

Бұған дейін Қытай BBC World News корпарациясына 2014 жылы қысым көрсеткен. Ол кезде «Би-Би-Си» дүниежүзілік жаңалықтар қызметі бүкіл Қытай интернетінде бұғатталды.

Корпорация басшысы Питер Хоррокс ВВС сайтының қасақана цензураға түскенін айтты. Қытай билігіне шағым жазылды.

Қытайдағы Батыс жаңалықтарының басқа сайттары бұрынғыдай қол жетімді болып қала береді. Би-би-си-ді бұғаттаудың себептері белгісіз. Сайт 2008 жылғы Пекиндегі олимпиададан бері қол жетімді болып келген.

Би-би-си-дің басқа қызметтері, соның ішінде Қытай қызметі, өз жұмысының басынан бастап бұғаттауларға ұшырап тұрды.

BBC World TV, басқа халықаралық хабар таратушылар сияқты, эфирден жоғалып кетуі сирек емес. Әсіресе жаңалықтар Қытайға байланысты болса.

«BBC» Дүниежүзілік жаңалықтар қызметінің басшысы Питер Хоррокс:

«Би-би-си әлемдегі миллиондаған адамдарға объективті, сенімді жаңалықтар туралы хабарлайды. Біз берген ақпаратты цензуралауға тырысу тек осы адамдарды ақпараттандырудың маңыздылығын растайды».