Кісі өліміне қатысты күдікті қолға түсті

Орал қаласында көрші әйелді зорлықпен өлтірді деген күдікпен 28 жастағы тұрғын қамауға алынды.

Бұл туралы ішкі істер министрлігі хабарлады.

Оқиға орнынан саусақ іздері сақталған әйнек табылды. Ол 28 жастағы Орал қаласының тұрғынына тиесілі болып шықты. Күдікті қаза болған әйелмен көршілес тұрған.

Сондай-ақ оқиға орнынан басқа да заттай дәлелдемелер алынды. Күдікті ұсталды және уақытша ұстау изоляторына қамалды. Кісі өлтіру фактісі бойынша қылмыстық іс қозғалды. Сараптама тағайындалып, тергеу жүргізіліп жатыр.

Еске салар болсақ, 31 шілде күні Орал қаласында жер үйлердің бірінен 1957 жылы туған әйелдің зорлықпен өлтірілген мәйіті табылды.