Кинодағыдай: Таразда соңғы кездесуден кейін тұтқын қашып кеткен

Таразда 1994 жылы туылған тұтқын ойламаған жерден кәріз жүйесі арқылы полицейлерден қашып кеткен.

Бұл туралы Orda.kz хабарлады.

Ұрлық жасағаны үшін 3 жылға сотталған 26 жастағы тұтқын тасымалдау кезінде полицейлерден қашып кеткен.

Қоштасу кездесуі барлық ережелерге сай ұйымдастырылған: жақын маңда полицейлер, жылап тұрған сүйіктісі.

Полицейлер тұтқыннан мұндай әрекет күтпеген. Ол кенеттен құқық қорғаушылардың қолынан сытылып кеткен. Бірақ араға 4 күн салып, қайта ұсталған.

Қазнет қолданушылары видеоны қызу талқылап жатыр. Біреулер полицейлердің әрекетін сынға алса, басқалары қылмыскердің ептілігіне таң қалып, кинодағы кадрлармен салыстырды.

Әлеуметтік желілерде қылмыскердің қайда екені туралы әр түрлі ақпарат таратылды. Алайда, Жамбыл облысының полиция департаменті ер адамның ұсталғанын хабарлады.