Кино билеттері қымбаттады

Кинотеатрлардың орташа толымдылығы 10% - ға жақындап келеді, дегенмен ең төменгі жоспарлы толымдылық 30% - дан кем болмауы тиіс.

Ақпарат Energyprom.kz сайтына жарияланған, деп хабарлайды Orda.kz.

2021 жылғы наурызда кино билеттерінің бағасы 1,5 мың теңге болды. Бұл бір жыл бұрынғыға қарағанда бірден 16% - ға қымбат.

Қазақстанның ірі қалалары арасында киноға ең қымбат билет Шымкентте, ондағы билеттер 2,6 мың теңгеден сатылады. Одан әрі Атырау — 2,5 мың теңге және Ақтөбе-2,1 мың теңге.

Киноға ең арзан билет Түркістанда, оның құны — 800 теңге.

Бір жыл аралығында Қостанай мен Семей қалаларында билет құны 1,3 мың және 1,1 мың теңгеге дейін төмендеді.

Ticketon.kz деректері бойынша, соңғы наурыз демалыс күндері (25-29) Қазақстандағы кассалық жинақтар бойынша кинопрокат көшбасшысы «Рая и последний дракон» американдық толықметражды шытырман оқиғалы анимациялық фильмі болды. Фильм бес миллион теңге жинады.