«Кімнің жерінде өрт шықты?»: Ресей мен Қазақстан шекарасындағы дала өртенді

Ресей Федерациясының Орынбор облысында бір аптадан бері ірі дала өртін сөндіру жұмыстары жүргізіліп жатыр. Ресейлік БАҚ өрттің Қазақстан аумағында басталып, шекарадан өткенін жарыса жазып жатыр, деп хабарлайды Orda.kz. 

Ресейлік БАҚ-тан бөлек «Орынбор» қорығы да өрттің Қазақстанда тұтанғанын хабарлады. Олардың мәліметінше, 6 маусым күні найзағайдың салдарынан Қазақстан даласындағы құрғақ шөп өртенген. 7 маусымда өрт қорық аумағындағы 260 гектар жерді шарпыған. 11 маусымда өрт қайта тұтанып, 12 маусымда «Орынбор» қорығында 10 мың гектардан астам жер өртеніп кетті.

Алайда ҚР ТЖМ бұл ақпаратты жоққа шығарды. Керісінше, өрт 11 маусымда Ресей аумағынан Ақтөбе облысына жеткен көрінеді. 

Қазақстан аумағындағы өрт сол күні сөндірілген. 

Айта кетейік, наурызда Қырғызстан президенті Садыр Жапаров пен Тәжікстан президенті Эмомали Рахмон екі елдің мемлекеттік шекарасы туралы келісімге қол қойды.