Үкіметке олигархтармен байланыс-шатысы жоқ адамдар кіруі тиіс

Қоғам белсендісі Мұхтар Тайжан Қасым-Жомарт Тоқавқа жаңа Үкімет құруға кеңес берді. Ол өз ұнысын Facebook парақшасында жазды.

Бұл туралы Orda.kz хабарлады.

Ол өзінің жазбасын «халық сенетін үкімет құрыңыз» деп бастады.

– Қасым-Жомарт Кемелұлы, халық сенетін үкімет құрыңыз!

Ауыл шаруашылығына арналған аумағы өте үлкен ел Қазақстанда сәбіздің құны 735 теңгеге жетіп, 1,5 доллар құрап отыр. Және бұл - мемлекеттік субсидиялар жылдар бойы құйылып жатқан саладағы жағдай. Жайылым жоқтығынан мал аштан өліп, көтерем болып, қоқыс, картон жеп жатыр! Және бұның бәрі мың жылдар бойы мал баққан көне көшпенділер елінде орын алып отыр! - деді Тайжан.

Оның айтуынша, Қазақстандағы экономикалық саясат өте сорақы.

– Бабаларымыздан мұра болып қалған, келешек ұрпаққа тиесілі ұлттық қорымыз сарқылуға жақын тұр. Өткен жылы сол жылы түскеннің 96 пайызы жұмсалып кетті.

Енді үкімет азық-түлік бағасын әкімшілік жолмен реттегісі келеді. Онда Мемлекеттік жоспар жүйесін енгізіп, барша экономиканы мемлекет меншігіне өткізіңіздер! Бұл – адамның күлкісін келтіретін: «пойыз, тоқта, бір-екі!» деген анекдот қой. Нарықтық экономикада бағаны – бұйрық, жарлықтармен емес, ұсынысты көбейту арқылы түсіретінін естімеп пе едіңіз?

Экономикамыздың барша саласын тұралатып, жоғарыда баяндалған күйсіз нәтижеге жеткізген кландар мен олигархтық топтармен байланыс-шатысы жоқ адамдар Үкіметке кіруі тиіс екеніне бек сенемін.

Өз басым халық алдында жауапкершілік арқалап, елімізді экономикалық дағдарыстан шығаруға әзірмін! - деді қоғам белсендісі.