«Үкіметаралық кеңес»: РФ премьер-министрі Нұр-Сұлтанға келді

Ресей Федерациясының премьер-министрі Михаил Мишустин Нұр-Сұлтан қаласына келді. Оның бұл сапары Еуразиялық үкіметаралық кеңеске қатысу мақсатында жоспарланған.

Бүгін өте тар шеңберде Еуразиялық үкіметаралық кеңестің отырысы жоспарланған. Сонымен қатар, Мишустин ҚР премьер-министрі Әлихан Смайыловпен, Қырғыз Республикасының президенті әкімшілігінің басшысы – министрлер кабинетінің төрағасы Алыкбек Жапаровпен кездеседі.

Ертең үкіметаралық кеңес кеңейтілген құрамда өткізіледі. Сонымен қатар, делегация құрамы ҚР президенті Қасым-Жомарт Тоқаевпен кездеспек.