Үкімет президент тапсырмаларын орындау мерзімін жариялады

Елімізде президент жолдауын жүзеге асыру бойынша Ұлт жоспарының жобасы әзірленді.

Әділет министрі Қанат Мусин Конституцияға енгізілген өзгерістер  туралы түсінік берді:

• президенттің өкілеттігі;

• оның қызмет ету мерзіміне байланысты шектеулер;

• Орталық сайлау комиссиясының, Есеп комитетінің, Конституциялық Кеңестің төрағалары мен мүшелерін саяси партиялардан шығару;

• Сенат пен Мәжілістің құрылу тәртібі мен функциялары;

• Республикалық бюджеттің атқарылуын бақылау жөніндегі Есеп комитетінің  Жоғарғы есеп палатасына қайта құру;

• мәслихаттарды құру тәртібі;

• азаматтардың, бас прокурордың және адам құқықтары жөніндегі уәкілдің де жүгіну мүмкіндігін қамтамасыз ете отырып, Конституциялық Сот  құру;

• Конституцияда өлім жазасын жою туралы шешімді бекіту;

Бұл мәселелер бойынша заң жобасы 2022 жылдың сәуір айында әзірленеді.

Екінші. Конституциялық заңдар мен заңдарға мынадай мәселелер бойынша түзетулер енгізіледі:

• әкімдер мен олардың орынбасарларының саяси партиялар филиалдарында қызмет атқаруына тыйым салу;

• сенат пен мәжілістің құрылу тәртібі мен функциялары;

• Конституциялық Кеңес пен Жоғарғы Сот Кеңесі төрағалары лауазымдарына кандидаттарды келісу;

• Жоғары есеп палатасын құру;

• мәслихаттардың құрылу тәртібі мен функциялары;

• саяси партияларды тіркеу тәртібін жеңілдету;

• прокуратура мен адам құқықтары жөніндегі уәкілдің қызметі туралы;

• сайлау процесін жетілдіру;

• алқабилердің қатысуымен қаралатын істердің санаттарын кеңейту;

• БАҚ туралы заңды қайта қарау;

•  жергілікті өзін-өзі басқару.

2022 жылдың тамыз айында осы тармақтар  бойынша конституциялық заң жобасын және заң жобасын әзірлеу жоспарлануда.

Үшінші. Осыған  қатысты Президент жарлықтары мен Үкімет қаулыларын қабылдау – 2022 жылғы маусымға дейін:

• Абай, Ұлытау облыстарының құрылуы, Алматы облысының Жетісу және Алматы облыстарына бөлінуі;

• облыстар мен республикалық маңызы бар қалалар әкімдері орынбасарлары санына шектеулер.

Әміржан Мухаммед