Үкімет мектептерге Қонаевтың есімін беруге дайындалуда

Үкімет Нұр-Сұлтандағы бірқатар мектептерге қазақтың көрнекті саясаткері Дінмұхамед Қонаев пен басқа да танымал тұлғалардың есімдерін беруге дайындалып жатыр.

Қаулы жобасына сәйкес, үкімет Нұр-Сұлтанда мынадай өзгерістер енгізеді:

1) № 11 мектеп-лицейге – Өзбекәлі Жәнібековтің есімі;

2) № 49 орта мектепке – Қошке Кемеңгерұлының есімі;

3) № 69 гимназия мектебіне – Кемел Ақышевтың есімі;

4) № 2 балалар музыка мектебіне - Роза Бағланованың есімі;

5) № 3 балалар музыка мектебіне – Ермек Серкебаевтың есімі;

6) № 66 мектеп-лицейіне – Дінмұхамед Қонаевтың есімі;

7) № 77 гимназия мектебіне – Фариза Оңғарсынованың есімі;

8) №83 мектеп-гимназияға – Ыбырай Алтынсарин есімі беріледі.

Дінмұхамед Қонаев – Коммунистік партия Орталық Комитетінің бірінші хатшысы, Министрлер Кеңесінің төрағасы ретінде Қазақ КСР-ін 30 жылға жуық басқарған кеңестік партия және мемлекет қайраткері. Қонаевтың тұсында Қазақстанда айтарлықтай экономикалық өрлеу болды. Республиканың өнеркәсіптік әлеуеті, ауыл шаруашылығы айтарлықтай өсті.