Үкімет ішіндегі ауыс-түйіс әлі де жалғасып жатыр

Марат Бекетаев жаңа премьер-министр Әлихан Смайыловтың кеңесшісі болып тағайындалды.

Бекетаев Марат Бақытжанұлы 1977 жылы дүниеге келген. 1998 жылы Қазақ мемлекеттік заң университетін бітірген; 2000 жылы - Лондон экономика және саясаттану мектебінде білім алған.

• 2001-2002 жылдары - «ҚР Сыртқы істер министрлігінің дипломатиялық өкілдіктермен жұмыс департаменті» республикалық мемлекеттік қазыналық кәсіпорнының ұйымдастыру-хаттамалық бөлімінің ақпаратты өңдеу секторының меңгерушісі;
• 2002-2003 жылдары - «Дипломатиялық корпус қызметі департаменті» ЖАҚ ұйымдастыру-талдау бөлімінің бастығы, Алматы қ.;
• 2003 жылдың тамыз-желтоқсан айлары аралығында ҚР Мемлекеттік қызмет істері агенттігінің Мемлекеттік қызмет саласын құқықтық қамтамасыз ету департаментінің бөлім, бөлім меңгерушісі;
• 2004 жылғы қаңтар-қыркүйек аралығында ҚР Мемлекеттік қызмет істері агенттігі төрағасының кеңесшісі, ҚР Мемлекеттік қызмет істері агенттігінің «Ақпараттық және тестілеу орталығы» мемлекеттік мекемесі директорының орынбасары болды;
• 2004-2006 жылдары - ҚР Мемлекеттік қызмет істері агенттігінің «Мемлекеттік қызметшілерді даярлаудың Еуразиялық орталығы» мемлекеттік кәсіпорны директорының орынбасары, директоры;
• 2006-2007 жылдары – ҚР премьер-министрі орынбасарының кеңесшісі;
• 2007 жылы ҚР премьер-министрінің кеңесшісі;
• 2007-2010 жылдары - ҚР Әділет вице-министрі;
• 2010-2015 жылдары - ҚР Әділет министрлігінің жауапты хатшысы;
• 2015 жылғы желтоқсаннан 2016 жылғы қыркүйекке дейін – ҚР Президентінің Әкімшілігі Басшысының орынбасары;
• 2016 жылғы 13 қыркүйектен бастап қазіргі тағайындалғанға дейін – ҚР Әділет министрі.

Бес жыл бойы Әділет министрі қызметін атқарған.