Кім Украина жеріне басып кіреді, біз бәрін өлтіреміз – Гордон

Белгілі украиндық журналист Дмитрий Гордон Ресей мен Украина президенттеріне, сондай-ақ ресейлік сарбаздардың аналарына видеоүндеу жолдады.

Ол украиндықтар «Ресей басып алған жағдайда» оларды қонақжайлықпен қарсы алмайтынын, «өз жерін шақырылмаған қонақтардан қорғайтынын» мәлімдеді.

– Біздің, Украина халқының, киевтіктердің өз Отаны бар. Ал сенің оған қатысты қандай жоспарларың бар – бізге бәрібір. Киевті немесе Украинаның басқа қалаларын бомбалағыңыз келе ме? Бізге бәрібір, - деді Гордон.

Ол «Украина халқы елді қорғауға аттанады» деп уәде беріп, олар үшін туған жердің маңызы зор екенін баса айтты. Орыс әскері аналарына ұлдарын басып алуға жібермеуді өтінді.

– Бізді түсінгеніңізді қалаймыз: біз Украинаның жеріне аяқ басқандардың барлығын өлтіреміз. Басқа амалымыз жоқ, - деді тележүргізуші.