Әкім: Сабуровтың Степногорск мәселесін шешуге қатысы жоқ

Ақмола облысының әкімі Ермек Маржықпаев Степногорск тұрғындарының мәселесін шешуде Нұрлан Сабуровқа басымдық беру «дұрыс емес» деп санайды.

Бұл туралы Orda.kz. хабарлады.

— Шынында да, бұл сұрақ үлкен алаңдаушылық тудырды. Мүмкін, оны шешуді әйгілі жерлесімізге жүктеу мүлдем дұрыс емес шығар, өйткені бұл бір күндік мәселе емес. Оны бірден шешуге болмайды. 2019 жылы БҰҰ Жаһандық экологиялық қоры Қоршаған ортаны қорғау министрлігімен бірлесіп, өндірістік улы қалдықтарды көмуге арналған зауыт салуға шешім қабылданды. Содан кейін бұл байқауды Степногорск қаласының «ЭкоЛюкс»  компаниясы жеңіп алды. Өткен жылы өндірістік  қалдықтар Қарағанды ​​облысының Дарьял станциясына тасымалданды. Бүгінгі күні бұл қалдықтар осы компанияның ғимаратында сақталуда. Сол компания  осы зауыттың құрылысының жобалық-сметалық құжаттарын жасай бастады. Маусымның 14-інде қоғамдық тыңдаулар болды. Біздің сарапшылар барлау, геологиялық барлау, топырақты зерттеу, ауа жетіспеушілігі, жақын маңдағы нысан  — әскери бөлімнің болуынан бастап экологиялық заңнаманы бұзушылықтар көп дейді. Әрине, қоғамдық пікір де ескеріледі. Бұл нысан Степногорск қаласының аумағында салынбайды деп ойлаймын. Жеті күннен кейін жауап беріледі, яғни 22-23, - деп түсіндірді Ермек Маржықпаев.

Облыс әкімі егер Нұрлан халықтың аудан немесе қала әкімі лауазымына орналасу туралы ұсынысына жауап берсе, «бұл мәселені қарастыру мүмкіндігі бар» деп қосты. Алайда ол үміткерлерге қойылатын белгілі бір біліктілік талаптары бар екенін де еске салды.

— Жалпы, әрине, Нұрланға белсенділігі  үшін көп рахмет. Ол үнемі байланыста, Степногорск тұрғындарына көмектесіп тұрады, - деп қорытындылады облыс басшысы.

• Кешен құрылысы қала жұртшылығының алаңдаушылығын тудырды. Степногорск қаласының тұрғындары құрылысқа қарсы митингтерге шығып, тіпті көмекке жерлестері — әзілкеш Нұрлан Сабуровқа да жүгінді. Әкімдіктің баспасөз қызметі кешеннің құрылысынан бас тартылатынын жеткізді.

Авторы: Айнұр Коскина

Дайындаған: Ләззат Нұрсапақызы