Киікпен суретке түсуге тыйым салынады – Экология министрлігі

Жақында желіде киіктің құралайын құшақтап түскен актриса Альмира Тұрсынның суреті қызу талқыға түсті. Ол фотосессия министрліктің рұқсатымен жасалды деп мәлімдеген. Түсірілім алаңында арнайы мамандар болғанын да айтып өткен. Дегенмен мамандар фотосессия құралайға жаман әсер ететіндіктеріне сенімді.

Бұл туралы Orda.kz хабарлады.

Зоологтардың айтуынша, шаранасы кеппеген киік құралайына адам иісі сіңіп қалса, енесі үркіп, оны қабылдамай қоюы мүмкін. Ол өз кезегінде құралайдың азықсыз қалып, аштан өлуіне әкеледі. Министрлік жануардың төлдеу кезін бақылауда ұстау керек.

Бұған дейін, экология министрлігі «түсірілім киікке еш зиян тигізбейді» деп сендірген.

Ал мамандар Қызыл кітапқа енген киіктің төлімен суретке түсу сәнге айналса, жағдай қиындайды деп дабыл қақты.

Енді министрлік бейне, фото түсірілімдерге тыйым салатын заң жобасын әзірлеп жатыр.

Сондай-ақ, осы салаға жауапты экология, геология және табиғи ресурстар министрінің орынбасары болған Ерлан Нысанбаев қызметінен кетті.

Орнына трансшекаралық өзендер департаментін басқарған Әлия Шалабекова келді.