Киев халқы қаланы тастап, кетіп жатыр

24 ақпанда Ресей әскерлері Украинаның бірнеше қаласына, соның ішінде Киевке шабуыл жасады. Желіде жарылыс салдарынан елорда тұрғындарының қаладан кетіп жатқаны туралы бейнежазба тарады.

24 арнаның хабарлауынша, Киевте таңғы сағат 5.10 шамасында алғашқы қуатты жарылыстар болған. Ішкі істер министрлігі басшысының кеңесшісі Антон Геращенко Ресей елордадағы әскери нысандарды, сондай-ақ Харьков пен Днепрді зымыранмен атқылап жатқанын растады.

Киев тұрғындары өздерін қорғау үшін асығыс түрде қаладан шығып кетуге тырысып жатыр. Желіде қала көшелерінде қалыптасқан кептелістердің фотолары мен видеолары жарияланды. Сондай-ақ жанар-жағармай құю бекеттерінде ұзын-сонар кезектер пайда болған.

Суреттер мен видеоларға қарағанда, Киев тұрғындары Львовқа қарай кетуге тырысып жатыр. Билік Украина халқына үрейленбеуге және қосымша нұсқауларды күтіп үйде отыруға кеңес берді.