Kia қозғалтқыштың өртену қаупіне байланысты 300 мың көлікті кері қайтарып жатыр

Кореялық Kia Motors Corporation автокөлік өндірушісі АҚШ-тағы 295 000 көлігін қозғалтқыштың өртену қаупіне байланысты кері қайтарып алуға мәжбүр. Бұл туралы Orda. порталы Interesting Engineering сайтына сілтеме жасап хабарлайды.

АҚШ Ұлттық автомобиль жолдары қозғалыс қауіпсіздігі басқармасының (NHTSA) мәліметіне сүйенсек Kia Motors Corporation

• 2011-2013 жылдардағы Optima Hybrid, Sportage (2012);
• Sorento (2012-2013);
• Forte and Forte Koup (2012-2015);
• Soul (2014–2015) автокөліктерін қайтарып алуы мүмкін.

Себебі аталған көліктердің қозғалтқыштарынан өрт шығу қаупі бар.

Сервистік орталықтар барлық кері шақырылған көліктердің қозғалтқыштарын тексереді. Олардың қозғалтқышы ауыстырылуы мүмкін.

Сондай-ақ, сервис орталықтары автокөліктердің бағдарламалық жасақтамасын жаңартады, барлық жұмыстар автокөлік иелері үшін тегін жүргізілмек.

Бұл ақаудың қозғалтқышты зақымдауы және өрт қаупін арттыруы мүмкін екендігі туралы хабарланған. Бұған дейін Kia мен Hyundai қозғалтқышындағы ақауларға байланысты 1,6 миллион көлігін қайтарып алмағаны үшін 210 миллион доллар айыппұл төлеген.

Қазіргі уақытта мұндай кері шақыру науқаны тек АҚШ-та ғана жарияланғаны белгілі болды. Компания сервистік шара профилактикалық сипатта екенін атап өтті.