КХДР зымыранының жылдамдығы дыбыс жылдамдығынан асып кетті

КХДР зымыранының максималды жылдамдығы дыбыс жылдамдығынан 16 есе жоғары.

Yonhap басылымы  жексенбі күні КХДР сынаған зымыранның максималды жылдамдығы шамамен M = 16 болды, яғни дыбыс жылдамдығынан 16 есе дерлік жоғары, деп жазды.

Оңтүстік Корея мен АҚШ-тың барлау агенттіктері бұл орташа қашықтықтағы баллистикалық зымыран деп есептейді.  Дереккөз  бұл туралы  Сеулдегі журналистерге оңтүстіккореялық әскерилер айтқан, деп жазды.

Оңтүстік Кореяның Ұлттық қауіпсіздік кеңесі ұшыруды айыптап, «Корея түбегінде тұрақсыздық тудыратын» әрекеттерді тоқтатуды талап етті.

КХДР Солтүстік Кореяның Чагандо провинциясы аймағынан Жапон теңізіне қарай баллистикалық зымыран ұшырғаны Сеулде ресми түрде хабарланған.

Ұшу қашықтығы шамамен 800 шақырым, ең жоғары биіктігі екі мың шақырым болған.

Оңтүстік Корея президенті Мун Чжэ Ин бұл қадамды Пхеньянның 2017 жылдың соңынан бері өз еркімен ұстанып келген ядролық сынақтарға мораторийді алып тастауға жақын екендігінің белгісі ретінде қабылдады.

Қаңтар айының басында Ким Чен Ын «АҚШ-пен сенім шараларын» қайта қарауды және «барлық уақытша тоқтатылған әрекеттерді» қалпына келтіруді қарастыруды бұйырды.

Айта кетейік, БҰҰ ережесіне сәйкес Солтүстік Кореяның ядролық қаруды сынақтан өткізуіне тыйым салынған.