Әкежан Қажыгелдинді ұстап бер деп бес елден сұрады – Дос Көшім

Қоғам қайраткері, саясаткер Дос Көшім Нартай Аралбайұлына сұхбат беріп, Еуропарламенттің Қазақстанға қатысты қабылдаған қарарына байланысты пікір білдірді.

Еуропарламент Қазақстанға қатысты қарар қабылдады. Мұның бізге қаупі қандай?

– Жоқ. Пәлендей қауіп жоқ. Солардың ескерткен мәселелері Қазақстанда орын алды ма? Осы қарарды не үшін қабылдады. Шынында, «қанды қаңтардан» кейінгі тексеру мәселесінде шерушілер мен террористердің айырмашылығы жоқ болып бара жатыр. Бұл – бесінші, алтыншы қаңтардан басталған мәселе. Еуропарламенттің алаңдаушылық білдіргені дұрыс. Тисе терекке, тимесе бұтаққа деп атқаннан қырылғандар бар, - деді Дос Көшім.

Еуропарламент Қазақстанға қарсы санкция салуы мүмкін бе?

– Кез келген қарар ұсыныс есебінде айтылған сөз. Егер жалғаса берсе, кез келген одақ немесе ұйымның басқа елдерге санкция салуға құқығы бар. Еуропа мен біздің арақатынасымыз жаман емес. Орта Азия, Ауғанстаннан келген террористердің болмағаны анықталса, сол сөзді айтқан жеке адамдарға санкция салынуы әбден мүмкін, - деді саясаткер.