Кезекті ресейлік вакцина халал сертификатын алды

Коронавирусқа қарсы «ЭпиВакКорона»  ресейлік вакцинасы халал екендігін растайтын сертификат алды.

Бұл туралы Ресей муфтилері кеңесі жанындағы «Халал» халықаралық стандарттау және сертификаттау орталығының баспасөз қызметі ресми хабарлады.

Сертификаттауға вакцинаның компоненттері және оны өндіру технологиясы туралы ақпарат түгелдей берілген.

— Вакцина SARS-CoV-2 вирусының S-ақуызының үш фрагментінің химиялық синтезделген пептидтік антигендері, тасымалдаушы ақуызға конъюгацияланған (байланысқан) және құрамында алюминий бар адъювантқа (алюминий гидроксиді) адсорбцияланған, - делінген хабарламада.

Бактериялар микроорганизмдер қатарына жататындықтан  тыйым салынбайды. Белсенді заттар – пептидті антигендер химиялық синтез жолымен алынады.

— E. Coli жасушаларын өсіру процесінде құрамында өсімдік-ашытқы пептоны, минералды тұздар және тыйым салынбаған басқа да компоненттері бар қоректік орта қолданылады. Ферменттер мен гормондар қолданылмайды. Ұсынылған құжаттар негізінде ХСЖСО «Халал»  мамандары  «ЭпиВакКорона»  вакцинасының «халал»  стандартына сәйкес екендігі  туралы қорытынды шығарды, – дейді хабарлама.

Ресей мұсылмандары діни басқармасы бұған дейін қолданысқа енгізілген Sputnik V вакцинасының  құрамын тексерген. Вакцинадан мұсылмандарға тыйым салынған заттарды таппаған.

Мұсылмандар әсіресе, шошқа желатині вакцинаның құрамына енуі мүмкін деген алаңдаушылықтарын  білдірген еді. Әзірлеушілер шошқа желатині Sputnik V өндірісінде қолданылмайтындығын дәлелдеп бағуда.